Jæja, þar kom að því...bloggþörfin er nær algerlega horfin. Síðan síðast hefur margt og mikið gerst en samt hef ég ekki fundið hjá mér þörf fyrir að tala um það hér. Það sem hefur gerst er m.a. þetta:
Ég byrjaði á framhaldsnámskeiði í Salsa.
Mamma mín útskrifaðist sem sjúkraliði og ég kafnaði næstum úr stolti.
Næsta dag útskrifaðist bróðurdóttir mín sem stúdent og ég kafnaði næstum úr elli.
Þarnæsta dag fór stórfjölskyldan í sunnudagsbrönsj á Vox og ég kafnaði næstum úr ofáti.
Ég fór í hið árlega júróvisjónpartí sem fulltrúi Tyrklands og skemmti mér konunglega, ekki síst við það að hitta elsku Jóhönnu Ýr aftur eftir langan aðskilnað.
Ég lauk loksins við síðustu kúrsa þessarar annar og í þessu MA námi yfir höfuð.
Hjördís vinkona og dóttir hennar lentu í alvarlegu slysi sem hvorki ég né aðrir erum enn búin að jafna okkur á.
Fór loksins út að borða á Santa Maria sem er tvímælalaust besti (og ódýrasti) mexíkanski veitingastaður Íslands.
Ég lönsjaði með danskri stúlku sem ég kynntist í Ástralíu '99 og hef lítið samband haft við síðan.
Suðurlandsskjálfti reið yfir með öllu sem því tilheyrir.
Ég fékk 2 einkunnir af 3, áttur í báðum tilvikum.
Ég fékk sorglegar fréttir frá Aupair fjölskyldunni minni, hin yndislega granny Rita á skammt eftir ólifað.
Ég keypti mér geggjaðan sumarkjól í SATC stíl.
Ég fór í magnað þrítugsafmæli í geggjaða kjólnum og borðaði yfir mig, aðallega af Rice Crispies kökum.
Ég missti af Sjómannadeginum og öðrum hátíðum vegna þreytu.
Þá er þessu lokið kæru vinir - á þessu bloggi hef ég alltaf reynt að blogga fyrir MIG en ekki lesendur og núna þegar ÉG get ekki bloggað meir er betra að hætta þessu alveg.
Hver veit hinsvegar hvað gerist, kannski byrja ég aftur að skrifa síðar meir, á öðrum stað og á öðrum forsendum.
Takk fyrir samfylgdina!
